رواية حنين الليل الفصل الثاني 2 بقلم اميرة رمضان
#Part2🖤
وصلنا هناك كانت الدنيا مقلوبه وليل بيزعق جاامد
_يالهوووووووي ايان جرالو ااااااااي 😳
لقيت ليل بصلي بغضب وشد بنته مني وقالي : كنتي فيييييين وواخده بنتي معاكي لييييييه انا قلبت الدنيا عليهااا
(انا اتحرجت من الناس لما زعقلي)
_ في ااي انا كنت ب.....
قاطع كلامي وزعقلي جامد : انتي وحده مستهتره ومعندكيش اي مسؤلييييه خااااالص
(رغم اني كنت هنفجر في البكاء بس اتمالكت نفسي ورديت عليه بقوه)
_مين دي اللي مستهتره وبعدين انت تعرف ااااااي عن المسؤليييه اصلاااا عشاااااان تتكلم عنهااااا ده كفايه اللي بيحصل لابنك وزعلان عليه اوووي وانت اصلا السبب في اللي حصلو دانت لو بتحسسه بشويه حنيه مكنش وصل للحاله دي لكن نقول ااااي بقاااا قدرك يابني ان عندك اب عديم المسؤليه كده
ليل بعصبيه : بقولككككك ااااااي انا مسمحلكيش تتكلمي كده
_ تسمح ولا متسمحش عيالك عندك اهم اشبع بيهم وانا ماشيه مش ناقصه وجع دماغ
(سبتهم ومشيت طول الطريق دموعي نازله علي خدي انا مش بحب حد يزعقلي مهما حصل )
#بقلمي_اميره_رمضان
وصلت البيت
_مامااااا انتي فييين
ماما : اااي ي نونه بلم الغسيل
(طب الحمد لله الحق بقا اغسل وشي قبل متطلع وندخل في حوار سين وجيم )
________
في بيت ليل
كان قاعد بيشرب سجا*ير دخلت تالين
تالين : بابي
ليل : تعالي ي قلبي
تالين : هو ايان نايم ليه هيصحي ايمتي عايزه العب معاه
ليل : هو تعبان شويه سبيه نايم ويبقي العبي معاه الصبح
تالين ببرءه : طب ممكن تلعب معايا انت
ليل بتنهيده : مش فاضي ي قلبي عندي شغل لازم اخلصو دلوقتي
تالين بحزن : ماثي (سكتت شويه وبعدين قالت )
هي مث حنين هتاجي بكرا
ليل بتفكير : معتقدش انها هتاجي تاني بتسألي ليه
تالين : كنت عايزاها تلعب معايا
ليل : طب العبي مع نانسي
تالين : لاء نانسي مث بترضي تلعب معايا وبتزعقلي اوي خلاص بقا انا هروح انام
(ولسه طالعه من الاوضه )
ليل : لولو لما كنتي مع ميس حنين رحتي فين
تالين : كنت عايزه اثرب وهي راحت جابتلي مايه
ليل في بالو : وانا اللي زعقتلها مكنش ينفع اعمل كده بس هي يعني سكتت دي وحده لسانها طويل
تالين : بابا انت هتعملنا حفله بكرا
ليل باستغراب : ليه
تالين بحزن : عشان عيد ميلادنا
ليل : معلش ي لولو مش هبقا فاضي بكرا خليها وقت تاني يلا بقا روحي كلي ونامي
_______
بعد ساعه قاعده باكل مع ماما وحكتلها اللي حصل
_بس هو ده كل اللي حصل انا مش هروح عندهم تاني واحد معندوش ذوق
ماما : والله انا صعبان عليا العيال دي
_ الشهاده لله وانا كمان انا الاول مكنتش طيقاهم لاني كنت شايفاهم اشقيا اووي لكن لما عرفت حكايتهم صعبو عليا اووي وزعلت من نفسي اني سبت ايان ومشيت من غير مطمن عليه
ماما : منتي كده كده رايحه بكرا يبقا اطمني عليه #بقلمي_اميره_رمضان
_ ارررروح فيييين بقولك اتخانقت انا وابوهم وبعدين من الاول انا قولت مش هروح تاااني
ماما : يابنتي روحي عشان عيد ميلادهم فرحيهم حرام دول أيتام وابوهم مش مهتم بيهم فرحي الواد تكسبي فيه ثواب
_ ي ماما متقنعنيش اني اروحلهم انا لو عليا عايزه اروحلهم من دلوقتي لكن بعد اللي حصل لاء
ماما : خلاص روحي اقعدي مع العيال ملكيش دعوه بيه ولو كلمك اعصري علي نفسك لمونه واستحملي قلت ذوقه عشان العيال انتي بتحبي الاطفال اوي ي نونه بلاش تكسري خاطرهم انتي كمان واعتبريهم زي ولاد اختك
_ خلاص خلاص كفاااايه يخراااابي عليكي ي ماما تقنعي بلد بحالها
ماما : انتي بس عشان طيبه اقتنعتي انك مش هتكسري بخاطرهم
_ ياريت كل الناس في طيبتك ي ست الكل مكنتش الدنيا هتبقي كده
ماما : طب يلا بقا قومي شيلي الاكل واغسلي الموعين والسجاد
_ ااااااي بقولك جااايه وطالع عين اللي جابوني مترحموني شوووويه
________
تاني يوم في الحضانه
سندس : نونه خلصتي الحصص بتاعتك
_ اه
سندس : طب هتستني نروح مع بعض ولا هتمشي
_مش عارفه والله اصلي عندي مشوار ضروري
سندس : اي ده داحنا بقينا مهمين بقا وعندنا مشاوير
_منتي عارفه اني بدي دروس خصوصيه بعد الحضانه
سندس : اها بس قولتيلي انك اتخانقتي مع ابو العيال ومش هتروحي
_ خلاص بقا انتو بتلزقو في الكلمه هروح بقا وامري لله
#بقلمي_اميره_رمضان
سندس : هي العيال من الحضانه عندنا
_ اقعدي ساكته ي اختي دول في حضانات انترناشيونال مش الحضانات الكحيانه بتاعتنا
__________
نوح : عملت اي ي ليل في موضوع الارض دي
ليل : هناخدها
نوح : بس احنا كده هنخسر كتير اووي
ليل : مشكلتك انك بتبص تحت رجليك
نوح : طب قولي انت ي كوماندو
ليل : هتعرف وقتها
نوح : منا عارف مش هتقول حاجه ابدا المهم خلي بالك عندنا اجتماع الساعه2
ليل : لاء انا معتمد عليك انت بقا انا هروح البيت عشان ايان
نوح : طب سلملي عليه هبقا اجيلو بعد الاجتماع
_______
_ايوا ي ماما ايوا جبتلهم شويه هدايا عاجبك كده اديني خلصت المرتب علي شويه الهدايا دول
عايز حاجه بقا انا وصلت اهو وربنا يستر وما ارتكبش جريمه يلا سلام
(فتحتلي وحده لابسه لبس اختها الصغيره تقريبا )
_ السلام عليكم تالين وايان موجودين
البنت غرور : اها انتي بقا الميس بتاعتهم
رديت عليها بأرف : ايوا ي اختي انا الميس وانتي مين بقا
البنت : انا المربيه بتاع الاطفال
_ واي الغرور الانتي فيه ده خدامه يعني
البنت بعصبيه : انا مسمحلكيش تقولي كده خدامه اي ياااااااي
_ لاء بقولك اي بلا يااااي بلا بااااي انا خلقي ضيق وماشيه بالعلاج نادي علي العيال وخليني اغور في داهيه من البيت اللي كلو تناكه ده
تالين : ميس حنييييييييين (وجرت عليا وحضنتها )
_ عامله اي ي لولو ايان فين
تالين : فوق تعالي واديكي عندو
(طلعت شفت الواد قاعد كانه عندو خمسين سنه حزين وشايل هم الدنيا )
_ ايان عامل اي ي حبيبي
بصلي ومردش عليا
_انا عارفه قلت الذوق في العيله دي بالوراثه وسع كده خليني اقعد جنبيك يلاااا
حضنته وقولتلو كل سنه وانت طيب ي جعفر
وانتي ي ام سيد كل سنه وانتي طيبه
واديتهم الهدايا كانو فرحانين اووي وايان بقا مبسوط جدااا
تالين : حلو اوووي اللعب دي انا بحبك اوي ي ميس
_ وانا بحبك ي روحي
ايان : وانا مش بحب حد بس ممكن نبقا صحاب
(ضحكت علي كلامه وفرحت اووي بفرحتهم مش اسكت بقا واتلم لااااا لازم اظيط )
_اااااي رايكم نعمل تورته
ايان : انتي بتعرفي تعمليها
_ طبعاااا دانا اوستاذه فيهاا (وشغلت اغاني عيد ميلاد وفرفشنا)
_______#بقلمي_اميره_رمضان
بعد ساعه
ليل وصل البيت وطلع ملقيش ايان وتالين
ليل : ايااااااااان
تالين : تعالي ي باااابي
_ هو ده وقت ياجي فيه كل حاجه فيه غلط حتي اوقاته غلط
(دخل ليل المطبخ واتصدم من اللي شافه)
ليل : انتو بتعملو اي
ايان : ميس حنين بتعملنا تورته لعيد ميلادنا
ليل : انا مش عارف اقولك اي
_ لا تقول ولا تعيد انا مش عايزه اسمع حاجه منك كفايه اللي قولته
ليل : قال يعني انتي كنتي واقفه ملاك
_ عايزني اعملك اي يعني مش انت اللي قليل الذوق (بصلي بصه مش عايزه احكيلكم عنها كنت عايزه ادفن نفسي وانا واقفه )
_ علعموم انا جايه عشان ايان وتالين غير كده بصراحه مش عايزه اشوف وش حد تاني وخصوصا سندريلاة زمانها اللي برا دي
ليل : قصدك علي مدام كريمه
_ لاء طبعا الست كويسه ومعملتش حاجه انا اقصد علي فرقع لوز اللي هناك دي
تالين : قصدها علي نانسي ي بابي
_ هي دي فعلا المربيه
ليل : ايوا
رديت باستحقار : حتي المربيه بتاع اولادك مش عارف تختارها
ليل ببرود : وانتي عايزاني اختارها ازاي يعني
_ اختار وحده محتشمه شويه عن المايصه دي انا بعد اللي شوفته ده مش مستغربه العيال مش متربيه ليه
واوعي من قدامنا خلينا نخلص عشان اغور
ليل بضحك :طب كنتي قولتيلي وانا اجيب تورته جاهزه
_بتضحك علي التورته بتاعتي ماشي والله لاصدمك من حلاوتها واطلع اقعد برا خلينا نخلص
_______
بعد نص ساعه طلعت عند ليل
_ احم مش كنت بتقول هتجيب تورته جاهزه انا متفقه معاك روح هاتها بقا
ليل بشماته : مش كنتي هتصدميني من حلاوه التورته بتاعتك هي فين بقا
تالين بتلقائيه:اتحرقت ي بابا
_ده انتي مش بيتبل في بوقك فوله
ليل : ههههههههههههه بجد اتحرقت
_مالك مبسوط اوي كده ليه انا قولت هصدمك وانت لو شفتها هتتصدم فعلا انا مكدبتش
ايان : انا قولتلها بتعرفي تعملي قالتلي انا اوستاذه وفي الاخر اتحرقت ههههههههههه
_ انتو هتقضوها ضحك انت واولادك علفكرا انبوبه البوتوجاز خلصت عشان كده باظت
تالين : اي انبوبه دي
ليل : ههههههههه احنا اصلا عندنا غاز طبيعي مش بنركب انابيب
ايان : وبعدين لو الانبوبه خلصت اصلا مش هتتحرق ي ميس
رديت بعصبيه _ ولازمتها اي بقا ميس دي
انا مش هخلص من كلامكم هتجيب التورته ولا امشي
ليل بضحك: خلاص خمس دقايق واكون جبتها
_______€
بعد شويه ماما رنت عليا تشوف الاخبار
طلعت اتمشي في الجنينه وبكلمها وفجاء سمعت صوت مرعب ببص ورايا
اتصدمت : يماماااااااااااااااا😳
#يتبع......
#روايه_حنين_الليل❤
#بقلمي_اميره_رمضان 🖤
